Féile na Sean Bheairice 2023
Caifé
Tá smailcbhia agus sólaistí blasta le fáil sa chaifé, atá foscailte…
Siopa Ceardaíochta
Cuireann potairí, fíodóirí, déantóirí lása, cniotálaithe agus ealaíontóirí a gcuid saothar…
Fáilte chuig An tSean Bheairic: Ionad Cuartaíochta an Fháil Charraigh!
Anseo i Sean Bheairic na bpéas ar na Croisbhealaí tá ionad bríomhar beoga cultúir, oideachais agus oidhreachta. Bíonn fearadh na fáilte roimh an chuairteoir i gcónaí anseo agus tá taispeántas ar stair an fhoirgnimh agus an cheantair le fáil taobh istigh a gcuirfear suim mhór ann. Tá scoith an chaifé, an bhia agus ollmhaitheasaí éagsúla le fáil inár gCaifé.
Ionad Seirbhísí Teanga atá sa tSean Bheairic agus cuireann muid ar fáil réimse leathan ranganna Gaeilge sa phobal agus muid ag cuidiú le neartú na teanga dúchais sa cheantar álainn Gaeltachta seo. Lena chois sin, cuireann muid ar fáil clár cuimsitheach sna healaíona dúchasacha agus bíonn ranganna agus imeachtaí d’óg agus aosta againn san amhránaíocht ar an tsean-nós, sa damhsa ar an tsean-nós agus sa scéalaíocht. Bíonn ranganna oíche againn do dhaoine fásta i gcuid mhór ábhar éagsúil. Eagraíonn muid Féile na Sean Bheairice agus Corn Éamoinn Ghráinne achan bhliain mar cheiliúradh ar an amhránaíocht, an damhsa agus an ceol agus gach geimhreadh bíonn Féile Scéalaíochta na Glaise againn ina gcluintear an chuid is fearr de scéalaithe an cheantair.
Colmcille i gComhthéacs: Stair, Seanchas agus Ceol
1500 bliain ó rugadh Colmcille tá An tSean Bheairic mar aon le hiarthuaisceart na tíre uilig agus Gaeltacht na hAlban, i mbun ceiliúrtha agus comórtha ar an oidhreacht shaibhir a d’fhág an naomh ina dhiaidh. Tá An tSean Bheairic ag léiriú sraith léachtaí, cainteanna, seisiún scéalaíochta agus ceoil dar teideal “Colmcille i gComhthéacs: Stair, Seanchas…
Continue Reading Colmcille i gComhthéacs: Stair, Seanchas agus Ceol